തൃശൂർ: കരുവന്നൂർ ബാങ്കിലെ കോടികളുടെ കള്ളപ്പണമിടപാട് കേസിൽ സിപിഎം തൃശൂർ ജില്ലാ സെക്രട്ടറി എം.എം. വർഗീസിൻ്റെ ചോദ്യം ചെയ്യൽ പൂർത്തിയായി. രാവിലെ 10:30 ന് കൊച്ചി കലൂരിലെ ഇഡി ഓഫീസിലാണ് ചോദ്യം ചെയ്യൽ നടന്നത്. സിപിഎം ബ്രാഞ്ച് ലോക്കൽ ഏരിയാ കമ്മിറ്റികളുടെ അക്കൗണ്ട് വിവരങ്ങൾ സംബന്ധിച്ച വിവരങ്ങളാണ് ചോദ്യം ചെയ്യലിൽ ഇഡി തിരക്കിയത്. പല നിർണായകവിവരങ്ങളും ചോദ്യം ചെയ്യലിനിടെ ഇഡിക്ക് ലഭിച്ചുവെന്നാണ് വിവരം. തൻ്റെ സ്വത്തുവിവരങ്ങൾ സംബന്ധിച്ചും പാർട്ടി കീഴ്ഘടകങ്ങളുടെ രേഖകളും ചോദിച്ചറിഞ്ഞതായി എം.എം. വർഗീസ് പറഞ്ഞു.