ഇസ്രയേൽ പൊതു തെരഞ്ഞെടുപ്പിൽ ബെഞ്ചമിൻ നെതന്യാഹുവിന് വിജയം.  അതോടെ അഞ്ചാം തവണയും പ്രധാനമന്ത്രിപദത്തിലേയ്ക്കെത്തി ചരിത്രം കുറിച്ചിരിക്കുകയാണ് അദ്ദേഹം.  ഏറ്റവും കൂടുതൽ കാലം അധികാരത്തിൽ ഇരുന്നയാൾ എന്ന ഇസ്രയേലിന്‍റെ സ്ഥാപക പിതാവ് ഡേവിഡ് ബെൻ-ഗുർഷൻെറ നേട്ടമാണ്  നെതന്യാഹു മറികടന്നത്.

120 അം​ഗ പാ​ർ​ല​മ​​ന്‍റി​​ൽ ഭൂ​രി​പ​ക്ഷം നേ​ടാ​ൻ 61 സീ​റ്റു​ക​ൾ വേ​ണമെന്നിരിക്കെ 65 സീറ്റോടെയാണ് നെതന്യാഹുവിൻെറ ലി​ക്കു​ഡ് പാർട്ടി നേതൃത്വം നൽകുന്ന സഖ്യം അധികാരത്തിലെത്തുന്നത്.  തങ്ങളുടേത്  വലതുപക്ഷ സർക്കാർ ആയിരിക്കുമെങ്കിലും താൻ എല്ലാവർക്കുമുള്ള പ്രധാനമന്ത്രിയാണെന്ന് നെതന്യാഹു അണികളോട് പറഞ്ഞു. അഞ്ചാം തവണയും ഇസ്രായേൽ ജനത അവരുടെ വിശ്വാസത്തിന്‍റെ വോട്ട് തനിക്ക് നൽകിയതിനാല്‍ മുമ്പുള്ളതിനേക്കാള്‍ ആത്മവിശ്വാസം കൂടിയിട്ടുണ്ടെന്നും അദ്ദേഹം പറഞ്ഞു.

ഏ​റെ അ​ഴി​മ​തി ആ​രോ​പ​ണ​ങ്ങ​ൾ നേ​രി​ട്ട നെ​ത​ന്യാ​ഹു​വി​ന്​ അ​തി​ജീ​വ​ന​ത്തി​ന്​ വി​ജ​യം അത്യാവശ്യമായിരുന്നു. പൊ​തു​തെ​ര​​ഞ്ഞെ​ടു​പ്പി​ൽ സാ​മാ​ന്യം മെ​ച്ച​​പ്പെ​ട്ട പോ​ളി​ങ് ഉണ്ടായിരുന്നപ്പോള്‍ നേടുന്ന വിജയം എന്നത് ജനങ്ങളുടെ വിശ്വാസത്തിന്‍റെ  അടയാളമാണെന്നും രാഷ്ട്രത്തിന്‍റെ പിന്തുണ തനിക്കുണ്ടെന്നത് തന്നെയാണ് ആത്മവിശ്വാസത്തിന് കാരണമെന്നും മുഴുവന്‍ ഇസ്രയേല്‍ ജനതയുടെയും പ്രധാനമന്ത്രിയായിരിക്കാനാണ് ആഗ്രഹിക്കുന്നതെന്നും അദ്ദേഹം പറഞ്ഞു.

ചൊ​വ്വാ​ഴ്​​ച രാ​വി​ലെ ഏ​ഴു​മ​ണി​ക്ക് തു​ട​ങ്ങി​യ പോ​ളി​ങ്​ രാ​ത്രി 10 മ​ണി​യ്ക്കാണ് അവസാനിച്ചു.  10,720 ​പോ​ളി​ങ്​ സ്റ്റേഷ​നു​ക​ളാ​ണ്​ രാ​ജ്യ​ത്ത്​ ഒ​രു​ക്കി​യി​രു​ന്ന​ത്. വെ​സ്​​റ്റ്​ ബാ​ങ്കി​ലെ​യും കി​ഴ​ക്ക​ൻ ജ​റു​സ​ലേ​മി​ലെ​യും അ​ന​ധി​കൃ​ത കു​ടി​​യേ​റ്റ​ക്കാ​ർ ഉ​ൾ​പ്പെ​ടെ 63 ല​ക്ഷം വോ​ട്ട​ർ​മാ​രാ​ണു​ള്ള​ത്.