ഇന്ത്യയിൽ 75000 കോടി രൂപയുടെ നിക്ഷേപം പ്രഖ്യാപിച്ചു ഗൂഗിൾ. ഗൂഗിൾ സിഇഒ സുന്ദർ പിച്ചെയാണു ഇക്കാര്യം ഔദ്യോഗികമായി പ്രഖ്യാപിച്ചത്. അഞ്ച് മുതൽ ഏഴ് വർഷം വരെയുള്ള കാലയളവിലായിരിക്കും ഈ നിക്ഷേപം നടത്തുക. ആറാമത് ഗൂഗിൾ ഫോർ വെർച്വൽ മീറ്റിലായിരുന്നു പ്രഖ്യാപനം. ഇക്വിറ്റി ഇൻവെസ്റ്റ്മെന്‍റുകളിലൂടെയും മറ്റ് സ്ഥാപനങ്ങളോട് ചേർന്നുള്ള പദ്ധതികളിലൂടെയായിരിക്കും ഈ നിക്ഷേപം. മൂലധന നിക്ഷേപം, ഓഹരി പങ്കാളിത്തം, അടിസ്ഥാന സൗകര്യ മേഖലയിലെ നിക്ഷേപം തുടങ്ങി വിവിധ തലങ്ങളിലായാകും നിക്ഷേപം. ഇന്ത്യയുടെ ഡിജിറ്റൽ സമ്പത്ത് രംഗത്തെ കൂടുതൽ ശക്തിപ്പെടുത്തുന്നതായിരിക്കും നിക്ഷേപം.
Today at #GoogleForIndia we announced a new $10B digitization fund to help accelerate India’s digital economy. We’re proud to support PM @narendramodi’s vision for Digital India – many thanks to Minister @rsprasad & Minister @DrRPNishank for joining us. https://t.co/H0EUFYSD1q
— Sundar Pichai (@sundarpichai) July 13, 2020
പത്ത് ബില്യൺ ഡോളർ നിക്ഷേപമാണ് പിച്ചൈ പ്രഖ്യാപിച്ചിരിക്കുന്നത്. രാവിലെ പ്രധാനമന്ത്രിയുമായി സുന്ദർ പിച്ചെ ആശയവിനിമയം നടത്തിയിരുന്നു. ഇതിനു പിന്നാലെയാണ് ഇന്ത്യയിൽ വൻ നിക്ഷേപം നടത്താൻ ഗൂഗിൾ തയ്യാറെടുക്കുന്ന വാർത്ത ഔദ്യോഗികമായി പുറത്തുവിട്ടത്.