കോൺഗ്രസിന്‍റെ ചരിത്രത്തിലാദ്യമായി ബൂത്തിന് കീഴിൽ യൂണിറ്റ് കമ്മിറ്റികൾ നിലവിൽ വരുന്നതിന്‍റെ സംസ്ഥാനതല ഉദ്ഘാടനം ഇന്ന് പാലക്കാട് കരിമ്പുഴ പഞ്ചായത്തിലെ ആറ്റശേരിയിൽ നടക്കും. കെപിസിസി പ്രസിഡന്‍റ് കെ. സുധാകരൻ എംപി രാവിലെ ഒമ്പതിന് ആറ്റശേരി യൂണിറ്റ് കമ്മിറ്റി ഉദ്ഘാടനം ചെയ്തു കൊണ്ട് സംസ്ഥാനത്തെ യൂണിറ്റ് കമ്മിറ്റികൾക്ക് തുടക്കം കുറിക്കും.
14 ജില്ലകളിലെ ഓരോ പഞ്ചായത്തുകളിലാണ് ആദ്യഘട്ടത്തിൽ യൂണിറ്റ് കമ്മിറ്റികള്‍ നിലവിൽ വരുക. യൂണിറ്റ് കമ്മിറ്റികൾക്ക് ഉപയോഗിക്കാനുള്ള ചർക്കാങ്കിത ത്രിവർണ പതാകകൾ പൂർണ്ണമായും ഖാദിയിൽ നെയ്തെടുത്ത് തയാറാക്കുന്നതും കരിമ്പുഴയിലെ വീട്ടമ്മമാരാണ്. പരിപാടിയിൽ പാലക്കാട് ജില്ലയിലെ കോൺഗ്രസ് നേതാക്കളും പങ്കെടുക്കും.