അഖിലേന്ത്യ കോൺഗ്രസ് കമ്മിറ്റിയുടെ ആഭിമുഖ്യത്തിൽ മുൻ പ്രധാനമന്ത്രി രാജീവ് ഗാന്ധിയുടെ 75 ആമത് ജന്മവാർഷികത്തോട് അനുബന്ധിച്ചുള്ള ആദ്യ പരിപാടി ഇന്ന് ഡൽഹിയിൽ നടക്കും. വൈകിട്ട് 4 മണിക്ക് ഡൽഹിയിലെ ഇന്ദിരഗാന്ധി ഇൻഡോർ സ്റ്റേഡിയത്തിൽ നടക്കുന്ന പരിപാടിയിൽ കോൺഗ്രസ് അദ്ധ്യക്ഷ സോണിയ ഗാന്ധി രാജ്യത്തിന്‍റെ വിവിധ ഭാഗങ്ങളിൽ നിന്നും എത്തുന്ന പ്രവർത്തകരേയും നേതാക്കളെയും അഭിസംബോധന ചെയ്യും. രാജീവ് ഗാന്ധിയുടെ ജീവിതത്തിലെ പ്രധാന മുഹൂർത്തങ്ങൾ കോർത്തിണക്കിക്കൊണ്ടുള്ള ഓഡിയോ-വിഷ്വലുകൾ, പെയിന്‍റിംഗുകൾ, ഡിജിറ്റൽ ഡിസ്‌പ്ലേകൾ എന്നിവയുടെ പ്രദർശനവും ഉണ്ടാകും.