തിരുവനന്തപുരം: സിപിഎം നിയന്ത്രണത്തിലുള്ള നേമം സർവീസ് സഹകരണ ബാങ്കിൽ കോടികളുടെ നിക്ഷേപ തട്ടിപ്പ്. അനധികൃത വായ്പകൾ ഉൾപ്പെടെ 50 കോടിയിലേറെ രൂപയുടെ തട്ടിപ്പ് ബാങ്കിൽ നടന്നതായ ആരോപണമാണ് ഉയരുന്നത്. ബാങ്ക് സെക്രട്ടറി ഉൾപ്പെടെയുള്ളവർ ഇത്തരത്തിൽ അനധികൃതമായി വായ്പകൾ തരപ്പെടുത്തി പണം തട്ടിയെടുത്തതായ ആരോപണമാണ് ഉയരുന്നത്. നൂറുകണക്കിന് നിക്ഷേപകരാണ് പണം തിരികെ ലഭിക്കാതെ ഇതോടെ പ്രതിസന്ധിയിൽ ആയത്.
നിക്ഷേപക തട്ടിപ്പിൽ സമഗ്ര അന്വേഷണം ആവശ്യപ്പെട്ട് യൂത്ത് കോൺഗ്രസ് ബാങ്കിനു മുന്നിൽ വൻ പ്രതിഷേധം ഉയർത്തി.