മലപ്പുറം: കൊവിഡ് പ്രതിസന്ധികള്‍ക്കിടയില്‍ സ്വന്തം നാട്ടിലേക്ക് മടങ്ങാനാഗ്രഹിക്കുന്ന പ്രവാസികളെ ക്വാറന്‍റൈന്‍ ചെയ്യുന്നതിനായുള്ള സംവിധാനമൊരുക്കാന്‍ മുസ്ലീം ലീഗ് തയ്യാറാണെന്ന് സംസ്ഥാന പ്രസിഡന്‍റ് പാണക്കാട് സയ്യിദ് ഹൈദരലി ശിഹാബ് തങ്ങള്‍. കൊവിഡ് 19 വ്യാപനത്തെ തുടര്‍ന്ന് വിദേശ രാജ്യങ്ങളില്‍ പ്രവാസികള്‍ നേരിടുന്ന പ്രശ്‌നങ്ങള്‍ ആശങ്ക ഉയര്‍ത്തുന്നതാണ്. ഈ സാഹചര്യത്തില്‍ സ്വന്തം നാട്ടിലെത്താനാഗ്രഹിക്കുന്ന പ്രവാസികളെ ക്വാറന്‍റൈന്‍ ചെയ്യാനുള്ള സംവിധാനമൊരുക്കാന്‍ മുസ്ലീം ലീഗ് തീരുമാനിച്ചു. നാട്ടിലേക്ക് വരാനാഗ്രഹിക്കുന്ന പ്രവാസികളെ ക്വാറന്‍റൈന്‍ ചെയ്യുന്നതിനായി മദ്രസ്സകള്‍, യതീംഖാനകള്‍, സ്‌കൂളുകള്‍, കോളേജുകള്‍ മറ്റു സ്ഥാപനങ്ങള്‍ എന്നിവ വിട്ടുകിട്ടാനായി മുസ്ലീം ലീഗ് പരിശ്രമിക്കുമെന്നും അദ്ദേഹം പറഞ്ഞു.
