തൃശൂർ ചാവക്കാട് വെട്ടേറ്റ് ആശുപത്രിയില്‍ ചികിത്സയിലായിരുന്ന കോണ്‍ഗ്രസ് പ്രവര്‍ത്തകന്‍ മരിച്ചു. ചാവക്കാട് പുന്ന ബൂത്ത് കോൺഗ്രസ് പ്രസിഡന്‍റ് നൗഷാദ് ആണ് മരിച്ചത്.
4 കോൺഗ്രസ് പ്രവർത്തകർക്കാണ് ഇന്നലെ വെട്ടേറ്റത്. വിജേഷ്, സുരേഷ്, നിഷാദ് എന്നിവരാണ് ഇപ്പോള്‍ ആശുപത്രിയില്‍ ചികിത്സയിലുള്ളത്. ഇതില്‍ ഒരാളുടെ നില കൂടി അതീവ ഗുരുതരാവസ്ഥയില്‍ തുടരുകയാണ്. എസ്.ഡി.പി.ഐ പ്രവർത്തകരാണ് ആക്രമണത്തിന് പിന്നിലെന്ന് കോൺഗ്രസ് ആരോപിച്ചു. ബൈക്കുകളിൽ എത്തിയ സംഘമാണ് ആക്രമിച്ചത്.