സംഘടനാ തെരഞ്ഞെടുപ്പിനായുള്ള കോൺഗ്രസ് അംഗത്വ വിതരണത്തിന് ഇന്ന് തുടക്കം. സംസ്ഥാനതല ഉദ്ഘാടനം കെ.പി.സി.സി ആസ്ഥാനത്ത് നടക്കും. എഐസിസി ജനറൽ സെക്രട്ടറി താരീഖ് അൻവർ, കെപിസിസി പ്രസിഡന്‍റ് കെ സുധാകരൻ, പ്രതിപക്ഷ നേതാവ് വിഡി സതീശൻ, ഉമ്മൻ ചാണ്ടി, രമേശ് ചെന്നിത്തല തുടങ്ങിയവർ ചേർന്ന് അംഗത്വ വിതരണത്തിന് തുടക്കം കുറിക്കും. മാർച്ച് 31 വരെ അംഗത്വ വിതരണം നടക്കും.
ഏപ്രിൽ 15നകം ഡിസിസികൾ അംഗങ്ങളുടെ പട്ടിക പുറത്തിറക്കും. ഏപ്രിൽ 16 മുതൽ ബൂത്ത്, ബ്ലോക്ക് കമ്മറ്റികളുടെ തെരഞ്ഞെടുപ്പ് നടക്കും.
ജൂൺ, ജൂലൈ മാസത്തിൽ ഡിസിസി കളിലെ തെരഞ്ഞെടുപ്പ് പൂർത്തിയാക്കും. ഓഗസ്റ്റിലായിരിക്കും കെപിസിസി തല തെരഞ്ഞെടുപ്പ്. നാളെയും മറ്റന്നാളും ചേരുന്ന കെപിസിസി യോഗത്തിൽ അംഗത്വ വിതരണത്തിനുള്ള ക്രമീകരണങ്ങൾക്ക് രൂപം നൽകും.