ന്യൂഡൽഹി: പ്രധാൻമന്ത്രി കിസാൻ സമ്മാൻ നിധിയെ വിമര്ശിച്ച് കോൺഗ്രസ്. വോട്ടിന് കോഴ എന്നതിനു തുല്യമാണ് ഈ പദ്ധതിയെന്ന് കോൺഗ്രസ് നേതാവ് പി.ചിദംബരം പറഞ്ഞു. തെരഞ്ഞെടുപ്പ് കമ്മീഷന് ഇത് തടയാനായില്ലെന്നത് വലിയ നാണക്കേടാണെന്നും അദ്ദേഹം പറഞ്ഞു. തെരഞ്ഞെടുപ്പ് മുന്നിൽ കണ്ട് വോട്ട് ലക്ഷ്യം വച്ചാണ് എല്ലാ കർഷക കുടുംബങ്ങൾക്കും 2,000 രൂപ വീതം നൽകുന്ന പദ്ധതിക്ക് തുടക്കം കുറിച്ചതെന്നും ചിദംബരം വിമർശിച്ചു.
ഉത്തർപ്രദേശിലെ ഗോരഖ്പുരിൽ പ്രധാനമന്ത്രി നരേന്ദ്രമോദി പദ്ധതിയുടെ ഉദ്ഘാടനം നിർവഹിച്ചതിനു പിന്നാലെയാണ് കോണ്ഗ്രസ് വിമര്ശനമുന്നയിച്ച് രംഗത്തെത്തിയത്.