കൊച്ചി : കോൺഗ്രസ് സ്ഥാനാർത്ഥികളെ നാളെ കെപിസിസി പ്രസിഡൻ്റ് മുല്ലപ്പള്ളി രാമചന്ദ്രൻ ഡൽഹിയിൽ പ്രഖ്യാപിക്കുമെന്ന് മുന്‍ മുഖ്യമന്ത്രി ഉമ്മൻ ചാണ്ടി. സ്ഥാനാർത്ഥി പട്ടികയിൽ കാലതാമസമില്ലെന്നും തർക്കങ്ങളും പ്രശ്നങ്ങളുമില്ലെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു.
ഡൽഹിയിൽ നിന്നും നെടുമ്പാശേരിയിലെത്തിയ നേതാക്കൾ വിമാനത്താവളത്തിൽ വച്ച് മാധ്യമങ്ങളോട് സംസാരിക്കുകയായിരുന്നു. താൻ ഹരിപ്പാട് മത്സരിക്കുമെന്നും ഹരിപ്പാട് തനിക്ക് അമ്മയെ പോലെയാണെന്നും രമേശ് ചെന്നിത്തല പറഞ്ഞു. സ്ഥാനാർത്ഥി പട്ടിക വന്നാൽ ഒരു പ്രതിഷേധവും ഉണ്ടാവില്ല. എല്ലാവരും അഭിനന്ദിക്കുമെന്നും രമേശ് ചെന്നിത്തല വ്യക്തമാക്കി.
https://www.youtube.com/watch?v=F6qGfeR0_Kg