തൃശൂർ: ചിമ്മിനി ജലസംഭരണി വെള്ളിയാഴ്ച തുറക്കും. രാവിലെ പത്തു മണിക്ക് ശേഷമാണു ഡാം തുറക്കുക. ഡാമിന്റെ രണ്ട് ഷട്ടറുകൾ 10 സെന്റിമീറ്റർ വീതം തുറക്കും. ഇതിന്റെ അടിസ്ഥാനത്തിൽ കുറുമാലിപ്പുഴ, കരുവന്നൂർ പുഴ എന്നിവയിലെ ജലനിരപ്പ് ഉയരാൻ സാധ്യതയുളളതിനാൽ പുഴയുടെ ഇരുകരകളിലുളളവർ ജാഗ്രത പാലിക്കണമെന്നു ജില്ലാ ഭരണകൂടം നിർദേശിച്ചു. പുഴയിൽ മത്സ്യബന്ധനത്തിലും അനുബന്ധ പ്രവൃത്തികളിലും ഏർപ്പെടുന്നതിനു നിയന്ത്രണം ഏർപ്പെടുത്തിയതായും അറിയിച്ചു.
ചാലക്കുടി താലൂക്കിലെ വരന്തരപ്പിള്ളി പഞ്ചായത്തിലാണു ചിമ്മിനി ജലസംഭരണി സ്ഥിതിചെയ്യുന്നത്.