ഡൽഹി: മുൻ പ്രധാനമന്ത്രി മൻമോഹൻ സിങ്ങിനെ കേന്ദ്ര സർക്കാർ അപമാനിച്ചെന്ന് പ്രതിപക്ഷനേതാവ് രാഹുൽ ഗാന്ധി ആരോപിച്ചു. സംസ്‌കാരത്തിനും സ്മാരകത്തിനുമായി പ്രത്യേക സ്ഥലം അനുവദിച്ചില്ല. കേന്ദ്ര സർക്കാർ അദ്ദേഹത്തെ ബഹുമാനിച്ചില്ല. എന്നാല്‍ മുൻ പ്രധാനമന്ത്രിമാർക്ക് പ്രത്യേക സ്ഥലം അനുവദിച്ചിരുന്നുവെന്നും രാഹുൽ സമൂഹമാധ്യമത്തില്‍ കുറിച്ചു.
മൻമോഹൻ സിങ്ങിന്‍റെ സ്മാരകത്തിനായി സ്ഥലം അനുവദിക്കണമെന്ന് കോൺഗ്രസ് കഴിഞ്ഞ ദിവസം ആവശ്യപ്പെട്ടിരുന്നു. അതിനായി മോദിയുമായി ഖാർഗെ ചർച്ചയും നടത്തിയിരുന്നു. വാജ്‌പേയ് മരിച്ചപ്പോൾ പ്രത്യേക സ്ഥലം അനുവദിച്ചതും കോൺഗ്രസ് എടുത്തുകാട്ടി. മൻമോഹൻ സിങ്ങിന് സ്മാരകം നിർമിക്കുമെന്നും അതിനായി പ്രത്യേക ട്രസ്റ്റ് രൂപീകരിക്കുമെന്നുമാണ് കേന്ദ്ര സർക്കാർ ഈ വിഷയത്തില്‍ നല്‍കിയിരിക്കുന്ന വിശദീകരണം.
