ഹൈദരാബാദ് ഓപ്പൺ ബാഡ്മിന്‍റൺ ടൂർണമെന്‍റിൽ പുരുഷ സിംഗിൾസിൽ സൗരഭ് വർമയും വനിതാ ഡബിൾസിൽ അശ്വിനി പൊന്നപ്പ – സിക്കി റെഡ്ഡി സഖ്യവും ഫൈനലിൽ എത്തി.

വാശിയേറിയ പോരാട്ടത്തിനൊടുവിലാണ് സൗരഭ് വിജയം നേടിയത്. സ്കോര്‍ : 23-21,​ 21-16. സെമിയിൽ മലേഷ്യയുടെ ഇസ്‌കന്ദർ സുൾക്കർനൈനെ നേരിട്ടുള്ള ഗെയിമുകളിൽ കീഴടക്കിയാണ് സൗരഭ് പുരുഷ സിംഗിൾസ് ഫൈനലിലേയ്ക്ക് എത്തിയത്.

സിംഗപ്പൂരിന്‍റെ ലോ കിയാൻ യൂ ആണ് ഫൈനലിൽ സൗരഭിന്‍റെ എതിരാളി. ഇന്നുച്ചയ്ക്കാണ് ഫൈനൽ മത്സരം.

വനിതാ ഡബിൾസ് സെമിയിൽ ടോപ് സീഡ് അശ്വനി-സിക്കി സഖ്യം ഫൈനലിലെത്തി. ഹോങ്കോംഗിന്‍റെ ഫാൻ കാ യാൻ -വു യി ടിംഗ് സഖ്യത്തെ നേരിട്ടുള്ള ഗെയിമുകളിൽ 21-12,​ 21-12ന് അനായാസം മറികടന്നാണ് ഫൈനലുറപ്പിച്ചത്. കൊറിയൻ ജോഡി അകേൻ അരാകി – റികോ ഇമായി സഖ്യമാണ് ഫൈനലിൽ അശ്വനിയുടെയും സിക്കിയുടെയും എതിരാളികൾ. ഇന്നുച്ചയ്ക്കാണ് ഫൈനൽ.