കണ്ണൂർ : അർജുൻ ആയെങ്കി ഉപയോഗിച്ച സ്വിഫ്റ്റ് കാർ ഉപേക്ഷിച്ച നിലയിൽ കണ്ടെത്തി. പരിയാരം ആയുർവേദ കോളേജിന് സമീപമാണ് ചുവന്ന നിറമുള്ള സ്വിഫ്റ്റ് കാർ ഉപേക്ഷിച്ച നിലയിൽ കണ്ടെത്തിയത്. നമ്പർ പ്ലേറ്റ് ഇളക്കി മാറ്റിയ നിലയിലാണ് വാഹനം.
പരിയാരം ആയുർവേദ കോളേജിന് സമീപം കൊളപ്രത്താണ് ചുവന്ന നിറമുള്ള സ്വിഫ്റ്റ് കാർ ഉപേക്ഷിച്ച നിലയിൽ കണ്ടെത്തിയത്. വാഹനത്തിന്റെ നമ്പർ പ്ലേറ്റ് ഇളക്കി മാറ്റിയ നിലയിലായിരുന്നു. പരിയാരം പൊലീസ് കാർ കസ്റ്റഡിയിൽ എടുത്ത് സ്റ്റേഷനിലേക്ക് മാറ്റി. അർജ്ജുന് കള്ളക്കടത്തിനായി ഉപയോഗിച്ച വാഹനം സിപിഎം പ്രവർത്തകനായ സജേഷിന്റേതാണെന്ന് തെളിഞ്ഞിരുന്നു.
നേരത്തെ ഇതേ കാർ പൊലീസ് സംഘം കസ്റ്റഡിയില് എടുക്കാന് എത്തുന്നതിന് തൊട്ടുമുന്പ് അർജ്ജുന്റെ സംഘം സ്ഥലത്ത് നിന്നും കടത്തി. കള്ളക്കടത്തുമായി ബന്ധപ്പെട്ട തെളിവുകള് നശിപ്പിച്ച ശേഷം വാഹനം വീണ്ടും ഉപേക്ഷിക്കുകയായിരുന്നു.