അജിത് പവാർ ഒഴികെ മുഴുവൻ എൻസിപി എംഎൽഎ മാരും ശരത് പവാറിനൊപ്പം തിരിച്ചെത്തി. അജിത്പവാറിനൊപ്പം പോയ നാല് എംഎൽഎമാർകൂടി മുംബൈയിൽ തിരിച്ചെത്തി. ഇതോടെ സര്ക്കാര് രൂപീകരണം ബി.ജെ.പിക്ക് വെല്ലുവിളിയാകുമെന്ന് ഉറപ്പായി. മഹാരാഷ്ട്രയില് 54 എം.എല്.എമാരാണ് എന്.സി.പിക്കുള്ളത്.
അതേസമയം, മഹാരാഷ്ട്രയിൽ സര്ക്കാര് രൂപീകരിക്കാൻ പിന്തുണ അറിയിച്ച് അജിത് പവാര് ഗവര്ണര്ക്ക് നൽകിയത് വിശദമായ കത്താണെന്ന് ബിജെപി. കേന്ദ്ര സര്ക്കാരിനും ഗവര്ണറുടെ സെക്രട്ടറിക്കും വേണ്ടി ഹാജരായ തുഷാര് മേത്തയാണ് സുപ്രീംകോടതിയിൽ കത്ത് ഹാജരാക്കിയത്. മൂന്നംഗ ബെഞ്ച് കേസ് പരിഗണിച്ചപ്പോൾ തന്നെ ഗവര്ണറുടെ കത്ത് കയ്യിലുണ്ടെന്നും. തെരഞ്ഞെടുപ്പിന് ശേഷം മഹാരാഷ്ട്രയിലുണ്ടായ സംഭവങ്ങൾ വിശദീകരിക്കാൻ സമയം വേണമെന്ന് തുഷാര് മേത്ത ആവശ്യപ്പെട്ടു.
ജസ്റ്റിസുമാരായ എൻ.വി.രമണ, അശോക് ഭൂഷൺ, സഞ്ജീവ് ഖന്ന എന്നിവരടങ്ങിയ മൂന്നംഗ ബെഞ്ചാണ് ഹർജികൾ പരിഗണിക്കുന്നത്.